Reseıde Facebook pen Twitter áleýmettik jelileri buǵattaldy

MÁSKEÝ. TASS-QazAqparat – Roskomnadzor Reseı aýmaǵynda Meta kompanııasyna tıesili Facebook pen Twitter áleýmettik jelilerin blokqa qoıdy, dep habarlaıdy QazAqparat TASS agenttigine silteme jasap.

Vedomstvo bergen aqparatqa saı, 2020 jyldyń qazanynan bastap reseılik BAQ pen aqparattyq resýrstardy áleýmettik jeli tarapynan kemsitýdiń 26 jaǵdaıy tirkelgen.
«2022 jyldyń 4 naýryzy kúni Reseı Federatsııasynyń aýmaǵynda Facebook áleýmettik jelisin (Meta Platforms, Inc. kompanııasynyń ıeliginde) bloktaý týraly sheshim qabyldandy», - delingen vedomstvo habarlamasynda.
Sonymen qatar Reseıde Twitter áleýmettik jelisiniń jumysy toqtatyldy.
Roskomnadzor qyzmetiniń aqparaty boıynsha, Twitter shekteý Reseıdiń federaldyq zańynyń «Aqparat, aqparattyq tehnologııalar jáne aqparatty qorǵaý týraly» 15.3-babynyń negizinde qoıyldy.