Reseıde attraktsıonnan úsh bala qulap ketti

MÁSKEÝ. KAZINFORM - Krasnodar ólkesinde Eısk qalasyndaǵy Poddýbnyı mádenıet jáne demalys saıabaǵynda attraktsıonǵa mingen úsh bala zardap shekti, dep habarlaıdy TASS agenttigi.

«Eısk aýdanaralyq prokýratýrasy 5 mamyrda Eısk qalasyndaǵy Poddýbnyı atyndaǵy mádenıet jáne demalys saıabaǵynda «Lavıtsa» attraktsıonynyń jumysy kezinde oryn alǵan oqıǵaǵa baılanysty tergeý uıymdastyrdy, onyń saldarynan úsh bala zardap shekti», - delingen habarlamada.

Qadaǵalaý is-sharalaryn júrgizý kezinde attraktsıon ıesiniń, sondaı-aq attraktsıondyq jabdyqtyń jumysyn baqylaýǵa ýákiletti memlekettik organdardyń laýazymdy tulǵalarynyń áreketteriniń zańdylyǵyna baǵa beriledi, dep qosty baspasóz qyzmeti.

Buǵan deıin áleýmettik jelilerde balanyń Eısk saıabaǵynda atpen júrip kele jatyp, kólikten qulap, aýrýhanaǵa jetkizilgeni týraly aqparat paıda bolǵan. Sondaı-aq eki qyz jaraqat aldy.