Reseı vırtýaldy qońyraýlardy baqylaýǵa alady
ASTANA. KAZINFORM — Reseı vırtýaldy telefon stantsııalary arqyly jasalǵan ınternet-qońyraýlardy tańbalaýdy qolǵa almaqshy, dep habarlaıdy Kazinform agenttiginiń tilshisi.

Úkimet shabýyldaýshylar ózderiniń ornalasqan jerin jasyrý úshin vırtýaldy telefon stantsııalaryn paıdalanatynyna nazar aýdardy.
RF Premer-Mınıstriniń orynbasary — Úkimet Apparatynyń jetekshisi D. Grıgorenkonyń keńsesi málimdemesinde azamattardyń qaýipsizdigin arttyrý jáne alaıaqtyqpen kúresý maqsatynda vırtýaldy telefon stantsııalary (ATS) arqyly jasalǵan ınternet-qońyraýlardy mindetti túrde tańbalaýdy engizý josparlanǵan. Bul shara Reseı úkimetiniń telefon jáne ınternet alaıaqtyǵymen kúresý jónindegi keshendi zań jobasynyń bir bóligi.
Tańbalaý quqyq qorǵaý organdaryna kúdikti áreketterdi tıimdi baqylaýǵa jáne anyqtaýǵa kómektesedi. Bul alaıaqtardyń vırtýaldy stantsııalar arqyly jasyryn qońyraý shalý múmkindigin joıady.
Osyǵan deıin jambyldyq kásipkerlerdi bopsalap kelgen qazaqstandyq Reseıden elge jetkizilgenin habarladyq.