Reseı: Orsk mańynda Jaıyq sýynyń deńgeıi 9 sm tómendedi

ASTANA. KAZINFORM – Orsk oblysynda Jaıyq ózenindegi sý deńgeıi eki saǵatta 9 sm-ge tómendedi, dep habarlaıdy TASS aqparat agenttigi. 

«Jaǵdaı shıelenisken kúıinde qalyp otyr, biraq sý basqan qalanyń keıbir aýdandarynda sý tartyla bastady. Orsk oblysyndaǵy Jaıyq ózeninde sý deńgeıi 2 saǵatta 9 sm-ge tómendedi, biraq áli de qaýipti belgiden joǵary tur. Ólsheý beketterinde úzdiksiz monıtorıng júrgizilýde», - delingen habarlamada.

Sondaı-aq vedomstvo qaýipti aımaqtan barlyǵy 2,5 myńǵa jýyq adam evakýatsııalanǵanyn atap ótti.

"Reseı TJM qyzmetkerleri asa qaýipti aımaqtarda táýlik boıy kezekshilik etýde. Psıhologtar ýaqytsha ornalastyrý ortalyqtarynda zardap shekkendermen jumysty jalǵastyrýda", - dep habarlady vedomstvodan.

Sonymen qatar, RF TJM Altaı ólkesinde, Brıansk oblysynda jáne Samara oblysynda sý tasqyny jaǵdaıy turaqtalyp jatqanyn, munda 263 turǵyn úı men 191 sharýashylyq telimi sýdan tazartylǵanyn atap ótti.

«Sýdan bosatylǵan eldi mekenderde apatty jaǵdaıdy qalpyna keltirý jumystary júrgizilýde. Halyqqa baý-baqsha ýchaskelerin tazartýǵa, úılerden sý tartýǵa, olardy keptirýge kómek kórsetilýde. Sonymen birge Kýrgan oblysynda sý tasqynyna daıyndyq jumystary táýlik boıy júrgizilýde. Reseı TJM mamandary Qorǵandaǵy bógetti nyǵaıtýda», - dep habarlady mınıstrlikten.

Turǵyndarǵa psıhologııalyq kómek kórsetý úshin senim telefony jumys istep jatyr, jumysqa barlyǵy 1 myńnan astam adam men 500-den astam tehnıka jumyldyryldy.