Reseı azamaty 14 jyl boıy Qazaqstannan zeınetaqy alyp otyrǵan
Batys Qazaqstan oblysy boıynsha ekonomıkalyq tergeý departamenti Reseı Federatsııasynyń azamatyna qatysty alaıaqtyq faktisi boıynsha qylmystyq isti qozǵap, tergeý júrgizgen.
Ol Qazaqstan Respýblıkasynyń azamaty bola tura, 2003 jyly Reseıge baryp, sol memlekettiń azamattyǵyn alǵan jáne eki memleket aýmaǵynda zeınetaqy alyp otyrǵan.
Bul rette ol Eńbek jáne halyqty áleýmettik qorǵaý mınıstrliginiń zeınetaqy tólemderi jónindegi memlekettik ortalyǵyna RF azamattyǵy bar ekendigin ádeıi jasyryp, QR-da zeınetaqy alýǵa qujat tapsyrǵan.
Osylaısha, 2006 jyldan bastap 14 jyl boıy aıyptalýshy QR aýmaǵynda zeınetaqy tólemderin zańsyz alyp otyrǵan jáne memleketke 9,2 mln teńgeden astam zalal keltirgen.
Batys Qazaqstan oblystyq sotymen ol QR QK 190-b. 1-b. 1-t. qarastyrylǵan qylmysty jasaǵany úshin aıypty dep tanyldy, oǵan 3 jylǵa bas bostandyǵyn shekteý jazasy taǵaıyndaldy.
Bıyl osyndaı faktiler boıynsha birneshe qylmystyq is qozǵalyp, sot úkimi shyqqan.