Reper P. Diddy tórt jyl eki aıǵa sottaldy

ASTANA. KAZINFORM — Nıý-Iorktegi sot reper Shon «Dıddı» Kombsty jezókshelikke tartý maqsatynda adamdardy tasymaldaǵany úshin 50 aıǵa bas bostandyǵynan aıyrdy, dep habarlaıdy BBC.

Buǵan deıin alqabıler soty Kombsty jezókshelikke tartý maqsatynda adamdardy tasymaldaýdyń eki epızody boıynsha kináli dep tanyǵan (ár epızod úshin eń joǵary jaza — 10 jyl bas bostandyǵynan aıyrý).

Osylaısha, alqabıler reket jáne jynystyq qanaý maqsatynda zorlyq-zombylyqtyń eki epızody boıynsha reperdi aqtady.

Aıyptaýshy tarap Kombsty 11 jylǵa bas bostandyǵynan aıyrýdy surady.

Hıp-hop magnat 2024 jyldyń qyrkúıeginde Manhettendegi qonaqúıdiń foıesinde áıelderdiń jynystyq zorlyq-zombylyq týraly aıyptaýyna tap bolyp, qamaýǵa alyndy.

2025 jyldyń 14 qazanynda amerıkalyq reper men prodıýserge qarsy seksýaldyq zorlyq-zombylyq pen qýdalaýǵa qatysty aıyptaıtyn jańa sot isteri qozǵaldy. Barlyǵy alty sotqa eki áıel men tórt er adam qatysty. Olar 1995 jáne 2021 jyldar aralyǵynda bolǵan oqıǵalardy sıpattaıdy.

Paff Deddı degen atpen belgili Shon Kombs 1997 jyly atyp óltirilgen Notorious BIG seriktesi jáne prodıýseri retinde 1990 jyldardaǵy Shyǵys jaǵalaý/Batys jaǵalaý hıp-hop shaıqastarynyń ortasynda boldy.

«Bad Boy Records» negizin qalaýshy retinde Shon Kombs sońǵy úsh onjyldyqtaǵy eń yqpaldy hıp-hop prodıýseri men jetekshileriniń biri boldy. Ol Merı Djeı Blaıdj, Ashera, Lıl Kım, Feıt Evans ı 112 sııaqty kóptegen úzdik ártistermen jumys istedi.