Rektorlardy konkýrstyq negizde iriktegen durys – Bilim mınıstri

NUR-SULTAN. QazAqparat – Ulttyq ýnıversıtet rektorlaryn konkýrstyq negizde irikteý der kezindi ári durys jasalyp otyrǵan shara. Bul týraly Ortalyq kommýnıkatsııalar qyzmetindegi baspasóz máslıhatynda QR Bilim jáne ǵylym mınıstri Ashat Aımaǵambetov málim etti, dep habarlaıdy QazAqparat tilshisi.

«Osy búgingi baspasóz máslıhatyna kele jatqan jolda áleýmettik jelilerdi sholyp shyqtym. Bul rette atalǵan bastamaǵa qoǵam reaktsııasy óte pozıtıvti ekenin baıqadym. Jazylǵan pikirlerdiń basym bóliginde turǵyndardyń, ustazdar men JOO basshylyǵynyń ustanymy pozıtıvti. Jalpy, konkýrstyq irikteý sheshimdi qabyldaýdyń ashyqtyǵyn, básekelestikti qamtıdy. Sondyqtan Memleket basshysynyń tapsyrmasyna sáıkes, biz tıisti qujattardy daıyndaımyz», - dedi Bilim jáne ǵylym mınıstri.

Aıta keteıik, Prezıdent Qasym-Jomart Toqaev Bilim jáne ǵylym mınıstri Ashat Aımaǵambetovty qabyldady.

«QR Bilim jáne ǵylym mınıstri Ashat Aımaǵambetovke ulttyq ýnıversıtetterdiń rektorlaryn konkýrstyq negizde Úkimet qaýlysymen taǵaıyndaý jóninde normatıvtik qujattar ázirleýdi tapsyrdym. Qazirgi rektorlardy Prezıdent jarlyǵymen taǵaıyndaý protsedýrasy kúshin joıady», - dep jazdy Memleket basshysy.