Rekordtyq kórsetkish: Almaty ekonomıkasy 10,1 paıyzǵa ósti

ALMATY. KAZINFORM – Almatyda barlyq áleýmettik-ekonomıkalyq kórsetkish boıynsha oń dınamıka qalyptasqan. 

Almaty ákimdiginiń málimetinshe, 2023 jyly qala ekonomıkasy 10,1 paıyzǵa ósip, 24,8 trln teńgege jetti. Bul keıingi 10 jyldaǵy rekordtyq kórsetkish.

«Ekonomıkany damytýdyń draıverleri: óńdeý ónerkásibi 17,5% -ǵa saýda 14,5 paıyzǵa, qarjy jáne saqtandyrý qyzmeti 12,0%, aqparat jáne baılanys (11,3% jyljymaıtyn múlikpen operatsııalar 6,9% kólik jáne qoımalaý 5,7% paıyzǵa ósti», - dep habarlady ákimdikten.

Megapolıs ekonomıkasynyń damýy joǵary ınvestıtsııalyq jáne iskerlik belsendilikpen qatar júrdi. 2023 jyly Almaty qalasyna 1,8 trln negizgi kapıtalǵa salynǵan ınvestıtsııa 25,3% ósti, bul rette jeke ınvestıtsııa 35,5 paıyzǵa artty.

Byltyr shaǵyn jáne orta bıznes sýbektileri 19,3 trln teńgeniń ónim shyǵardy. Belsendi jumys istep turǵan bıznes sýbektileriniń sany 340,1 myń birlik, bul 2022 jylmen salystyrǵanda 16,2% -ǵa artyq. 

«Ekonomıkanyń qarqyndy damýy jumyssyzdyq deńgeıin 2022 jylǵy 5,0%-dan 2023 jyly 4,8%-ǵa deıin tómendetýge múmkindik berdi. Jalpy, Almaty qalasynyń Qazaqstannyń jalpy ishki ónimindegi úlesi 20,6%-ǵa deıin ósti», - dep atap ótti Almaty qalasy ákimdiginen.

Eske sala keteıik, buǵan deıin Almatyda «Atakent» kórme kesheniniń pavılony órtengenin jazǵan edik.