Regbıden Qazaqstan quramasy Azııa chempıonatynyń kúmis júldegeri boldy

ALMATY. QazAqparat – Almatyda áıelder quramalary arasynda regbı-15-ten XII Azııa chempıonaty aıaqtaldy, dep habarlaıdy QazAqparat Mádenıet jáne sport mınıstrliginiń Sport jáne dene shynyqtyrý komıtetine silteme jasap.

Qazaqstan áıelder quramasy fınalda Japonııaǵa ese jiberip, kúmis júldeni qanaǵat tutty. Matchtyń esebi – 0:72

Anna ıAkovleva jattyqtyratyn regbıshi qyzdarymyz bir apta buryn alǵashqy oıynda Gonkongty 27-23 esebimen jeńgen bolatyn.

Regbıden áıelder arasynda sary qurlyq básekesi 2006 jyldan beri ótip keledi. Alǵashqy chempıonatty Qytaıdyń Kýnmın qalasy qabyldap, alań ıeleri bas júldege ıe bolǵan edi. 28 mamyrdaǵy kezdesýde Qazaqstan men Japonııa chempıondyq jaǵynan teńesti. Eki elde 5 bas júldeden bar. Al Qytaı men Gonkong bir-birden jeńiske jetti.

Aıta keteıik, regbı-15 olımpıada baǵdarlamasyna kirmeıdi. Onda ár komandada 26 sportshydan bolady. Ár taım (2) 40 mınýtqa sozylady.