Referendým kúni elordada qoǵamdyq kólik tegin júredi

NUR-SULTAN. QazAqparat - 5 maýsym (jeksenbi), ıaǵnı referendým ótetin kúni elordada qoǵamdyq kólik tegin bolady, dep habarlaıdy qalalyq ákimdiktiń baspasóz qyzmeti.

Tegin jol júrý qala mańyna qatynaıtyn marshrýttarǵa da qoldanylady. Avtobýstar ádettegideı saǵat 06:00-den 23:00-ge deıin júredi.

Esterińizge sala keteıik, 2020 jyldyń naýryz aıynan bastap kámeletke tolmaǵandar úshin qoǵamdyq kólikte tegin júrý júıesi engizilgen. Bul sheshim qala mańynda turatyn balalarǵa da qatysty. Osylaısha, kámeletke tolmaǵandar úshin tegin jol júrý bastalǵan beri 34 mıllıonǵa jýyq sapar jasaldy.