Referendým: Qazaqstandyqtar AES qurylysyna qarsy daýys berse ne bolady

Energetıka mınıstri Almasadam Sátqalıev Qazaqstanda AES qurylysy boıynsha referendým ótkizýge qatysty pikir bildirdi, dep habarlaıdy Kazinform.

«Elimizde atom elektr stantsııasyn salýǵa daıyndyq protsesi jalpyhalyqtyq referendým ótkizý týraly sheshim qabyldaýdan buryn bastalǵan edi. Osy ýaqyt ishinde áleýetti vendorlar (AES salatyn kompanııa) qarastyrylǵan. Endi qurylysqa qatysty túpkilikti sheshimdi ulttyq referendým negizinde ǵana qabyldaımyz. Bul referendým aıasynda Qazaqstanda atom elektr stantsııasyn salý nemese salmaý týraly naqty sheshim jasalady. Biraq biz tenderge qatysýshylarmen konsýltatsııalardy jalǵastyryp jatyrmyz. ıAǵnı, biz vendordy tańdaý týraly sheshim qabyldaý protsesin toqtattyq, biraq ornatylǵan baılanystar negizinde konsýltatsııalarda tehnıkalyq máseleler qaralyp jatyr», – dedi A. Sátqalıev Parlament Májilisinde tilshiler suraǵyna jaýap bere otyryp.

Tilshiler: «Qazaqstandyqtardyń basym bóligi AES salýǵa qarsy bolsa, barlyq kelissózder nátıjesiz bola ma?», – dep surady.

«Biz bul jaıynda oıladyq. Eger qarsy sheshim qabyldansa, bul jumystyń bári toqtaıdy. Degenmen, biz osy sheshimdi el halqy qoldaıdy dep senemiz. Óıtkeni atom energııasynyń mańyzdylyǵyn túsinemiz. Atom energetıkasy ónerkásip pen el ekonomıkasynyń damýyna eleýli yqpal etedi. Qazaqstanda ýran ónimderin óndirý salasynda barlyq qajet múmkindik bar. Sondyqtan AES qurylysy ekonomıka men ǵylymdy damytý úshin orasan zor áleýetti kóteretin sońǵy tsıkl sanalady», – dedi mınıstr.