Raıymbek batyrdyń memorıaldyq kesheni qaıta jańǵyrtylýda
ALMATY. KAZINFORM — Almaty ákimi Darhan Satybaldy memorıaldyq keshenniń qurylys alańyna baryp, nysannyń qazirgi ahýalymen tanysty.
Jańa keshen zamanaýı mádenı keńistikke aınalyp, tarıhı murany saqtaý sımvoly bolmaq.
Keshen quramyna batyrlar murajaıy, qaınar sý kózi, zııaratshylarǵa arnalǵan bólmeler, ákimshilik ǵımarat jáne dinı rásimderge arnalǵan aımaqtar kiredi. Sondaı-aq XVIII ǵasyrdaǵy jaýyngerlik qarý-jaraqtyń qaıta jasalǵan úlgileri usynylatyn ekspozıtsııa uıymdastyrylady.
— Jyl sońyna deıin murajaıdyń qurylysy men abattandyrýdy tolyq aıaqtaý qajet. Jumystar sapaly ári ýaqytyly oryndalýǵa tıis, — dep atap ótti Darhan Satybaldy.
Raıymbek batyr mavzoleıi — Qazaqstannyń kıeli oryndar kartasyna engen, jalpyulttyq mańyzy bar nysan. Qaıta jańǵyrtý aıaqtalǵannan keıin munda uly qolbasshynyń ómiri men erligin baıandaıtyn zamanaýı ekspozıtsııa ashylady.
Aıta ketelik Almatyda respýblıkalyq endokrınologııa jáne qant dıabeti ortalyǵy ashyldy.