Raıymbek Batalov Núkenovter áýletine kóńil aıtty
ASTANA. KAZINFORM – «Atameken» ulttyq kásipkerler palatasynyń tóralqa tóraǵasy Raıymbek Batalov atyshýly Qýandyq Bıshimbaev isine qatysty málimdeme jasady.
Buǵan deıin Q. Bıshimbaev marqum Saltanat Núkenovanyń belgili kásipkermen baılanysqanyn aıtyp, aıyptaǵan edi.
«Dostar, men sońyna deıin Bıshimbaevtyń sot protsesine pikir bildirgim kelmedi, biraq meniń atyma kir keltiretin sumdyq aıyptaýlar málimdeme jasaýǵa májbúr etti. Aıyptalýshynyń meniń atyma aıtqan jalasy – ashyq sandyraq, aqylǵa qonbaıtyn ótirik. Sizderdi bul ótirikke senbeýge, BAQ ókilderi men blogerlerdi jalǵan aqparat taratpaýǵa shaqyramyn», - dedi Raıymbek Batalov Instagram jelisinde jarııalanǵan beıneúndeýinde.
Raıymbek Batalov Saltanattyń týystary men jaqyndarynyń qyzynyń abyroıyn qorǵaýǵa jáne talap etýge májbúr bolǵany aıanyshty ekenin atap ótti.
«Bul - asqan sumdyq. Núkenovter otbasyna shyn júrekten kóńil aıtamyn», - dedi ol.
Aıta keteıik, elordada eks-sheneýnik Qýandyq Bıshimbaevqa qatysty sot ótip jatyr. Qazir ashyq sot otyrysynda aıyptalýshynyń jeke uıaly telefonyndaǵy aýdıo, foto, vıdeo dálelderdi zertteýde.
