Ramazan aıynda jasyl aımaqta ornalasqan meshitterge qandaı talap qoıylady

NUR-SULTAN. QazAqparat – Ramazan aıynda jasyl aımaqta ornalasqan meshitterge qoıylatyn talaptar belgili boldy. Ony búgin Qazaqstan musylmandary dinı basqarmasy tóraǵasynyń orynbasary, naıb múftı Ershat qajy Ońǵar jarııa etti, dep habarlaıdy QazAqparat tilshisi.

«Biz qazirgi qıyn jaǵdaıdy eskere otyryp, indettiń aldyn alý, saqtaný sharalaryn nazarǵa alyp qulshylyq máselesin úshke bóldik. Eń birinshisi jasyl aımaq, sary jáne qyzyl aımaqta ornalasqan oblys, qalalar úshin Juma, taraýıh, aýyzashar ótkizýdiń tártibine toqtaldyq. Eń bastysy indettiń aldyn alý, saqtyq sharalary qatań eskerildi. Azamattarymyz da osy saqtyq sharalaryna basa mán berse eken», - dedi naıb múftı Ortalyq kommýnıkatsııalar qyzmetindegi brıfıng barysynda.

Osy rette Ershat qajy Ońǵar jasyl aımaqta ornalasqan meshitterge qoıylatyn talaptarǵa toqtalyp ótti.

«Bes ýaqyt namaz, juma namazy, taraýyq namazy men aýyzashar ótkizýdiń tərtibi: namaz oqıtyn zaldardyń kólemine qaraı ýaqytymen zalalsyzdandyrý jumystaryn júrgizý; meshittiń kireberisinde turǵan antıseptıkalyq quraldar men sanıtaızerlerdi paıdalaný; Taraýyq namazynda sanıtarlyq talaptardy saqtaý, qysqa súreler oqý, aýa-raıy qolaıly aımaqtarda múmkindiginshe meshit aýlasynda ótkizý; Taraýyq namazy ruqsat etilgen meshitterde Quran hatymdy (1 paradan asyrmaı oqý) sanıtarlyq talaptardy saqtaı otyryp ótkizý; meshitterde namaz oqý (bes ýaqyt namaz, juma namazy, taraýyq namazy) bir adamǵa keminde 4 sharshy metr esebinen qashyqtyq saqtalǵan jəne toltyrylýy 30 paıyzdan aspaǵan kezde júzege asyrylady. Jasy úlken kisiler, densaýlyǵy nashar adamdar (er jəne əıel) jəne jas balalar namazdaryn úılerinde oqýy qajet. meshitke kirýge mindetti túrde betperde bolǵan jaǵdaıda ǵana ruqsat etiledi. Meshit dərethanalaryn qoldaný barysynda araqashyqtyqty jəne santıtarlyq talaptardy saqtaı otyryp, múmkindiginshe tez dəret alǵan jón», - dedi ol.

Onyń atap ótýinshe, bul talaptar jergilikti bas sanıtarlyq dərigerdiń sheshimine səıkes ózgertilýi múmkin.

«Jasyl aımaqtaǵy meshitte Quran oqytýǵa qatysty tərtip te uqsas. Neke bólmelerindegi is-sharalardyń júzege asý tərtibi de qarastyrylǵan», - dedi naıb múftı.

«Jasyl aımaqtaǵy meshitte Quran oqytýǵa qatysty tərtip te uqsas. Neke bólmelerindegi is-sharalardyń júzege asý tərtibi de qarastyrylǵan. Aıta keterligi cary aımaqta ornalasqan meshitterge qoıylatyn talaptar da osylarǵa uqsas bolyp keledi», - dedi naıb múftı.