Ramazan aıy 13 sáýirde bastalyp, 12 mamyrda aıaqtalady
«Barshańyzdy on eki aıdyń sultany, qasıetti Ramazannyń bastalaýymen shyn júrekten quttyqtaımyn! Otbasylaryńyzǵa baq pen bereke tileımin! Jaratýshy Jabbar Iemiz árbir izgi amaldyń saýaby eselenip jazylatyn berekeli aıda ustaǵan orazamyzdy, jasaǵan duǵamyzdy, oqyǵan namazymyzdy, oryndy sebeptermen aýyz bekite almaı qalǵan jandardyń bergen sadaqalaryn qabyl etkeı!», - dedi Bas múftı.
Onyń atap ótýinshe, Alla qalasa, 2021 jyldyń qasıetti Ramazan aıy 13 sáýirde bastalyp, 12 mamyrda aıaqtalady.
«Ortalyq Azııa múftılerimen keńesip, ǵylymı zertteý jumystarynyń nájıesine súıene otyryp, osyndaı sheshim qabyldadyq. 8 mamyrdan 9 mamyrǵa qaraǵan tún - qasıetti Qadir túni. 13 mamyr - Oraza aıttyń birinshi kúni. Alla qalasa, bıyl 30 kún oraza ustaımyz. Osy jylǵy pitir sadaqa mólsheri jan basyna 420 teńge bolyp belgilendi. Pitir sadaqa mólsheri barlyq oblystaǵy 2 keli unnyń eń tómengi baǵasymen ólshendi», - dedi Naýryzbaı qajy Taǵanuly.
