Rahym Oshaqbaev QR ІІM Qoǵamdyq keńesiniń tóraǵasy boldy

NUR-SULTAN. QazAqparat – QR Іshki ister mınıstrliginde vedomstvo janyndaǵy jańartylǵan Qoǵamdyq keńestiń alǵashqy otyrysy ótti, dep habarlaıdy QazAqparat tilshisi.

Polisia.kz portalynyń málimetinshe, Marat Ahmetjanov jańartylǵan Qoǵamdyq keńestiń, sondaı-aq jalpy ishki ister organdary júıesiniń aldynda túbegeıli jańa mindetter turǵanyn atap ótti. Eń bastysy – qoǵamdyq senim men azamattardyń qoldaýyn qamtamasyz etý, polıtsııa men qoǵam arasyndaǵy ózara qarym-qatynastyń tıimdi seriktestik modelin qalyptastyrý.

Mınıstr búgingi tańda polıtsııa qyzmetiniń negizgi qaǵıdattarynyń biri ashyqtyq pen aıqyndyq bolyp tabylatynyn aıtty. Sonymen qatar ol jańa formatta Qoǵamdyq keńestiń jumysy odan da tıimdi bolatynyna senim bildirdi.

Kezdesý barysynda keńes tóraǵasyn saılaý úshin ashyq daýys berý ótti. Tóraǵa bolyp «TALAP qoldanbaly zertteýler ortalyǵy» qorynyń dırektory Rahym Oshaqbaev saılandy.