R. Nurtazına: Qazaqstan halqy Assambleıasy - kóptegen elderge úlgi

ASTANA. QazAqparat - Qazaqstanda kóptegen jyldar boıy ár túrli ult, mádenıet, dinı senim ókilderi beıbit ómir súrip keledi. Bul bizdiń turaqtylyǵymyzdyń tamyryn aıqyndap, syrtqy jahandyq áserlerge qarsy turýymyzǵa kómektesedi. Elimizde beıbitshiliktiń, yntymaq pen birliktiń saqtalýynda biregeı qoǵamdyq ınstıtýt - Qazaqstan halqy Assambleıasynyń alatyn orny erekshe, deıdi saıasat ǵylymdarynyń doktory Roza Nurtazına. Bul týraly elorda ákimdiginiń resmı saıtynda jazylǵan.

L.N.Gýmılev atyndaǵy EUÝ saıasattaný kafedrasynyń professory R. Nurtazınanyń aıtýynsha, Qazaqstan halqy Assambleıasy - halqymyzdyń adamgershiligi men toleranttylyǵynyń tańǵajaıyp úlgisi. Kópultty memlekette ultaralyq qatynastar mádenıetinsiz tolyqqandy azamattyq mádenıettiń bolýy múmkin emes. Túsindire ketetin jaıt: ınternatsıonaldy tildiń bolmaıtyny sııaqty, ınternatsıonaldy mádenıet te joq.

«Qazaqstan halqy Assambleıasynyń tabysty qyzmeti halyqtardyń ózara túsinistigin saqtaý men damytý baǵytyndaǵy qyzmettiń úlgisine aınaldy. Búginde kóptegen elder Qazaqstannyń ult saıasatyna qyzyǵýshylyq tanytyp, modelin ala bastady.

Astanamen qatar, elimizdiń barlyq aımaqtarynda Qazaqstan halqy Assambleıasy janynan qurylǵan ǵylymı-saraptamalyq keńester úlken ról atqarady. Ultaralyq qatnastar salasyndaǵy ǵylymı-taldaý jumystary búginde suranysqa ıe jáne jas urpaqtyń tárbıesine tikeleı áser etedi.

QHA janyndǵy ǵylymı-saraptamalyq keńesterdiń nátıjeli qyzmetiniń bir kórinisi ultaralyq máselelerdiń basym baǵyttary boıynsha zertteý jobalaryn jasaý, halyqaralyq, respýblıkalyq, aımaqtyq ǵylymı-teorııalyq jáne praktıkalyq konferentsııalar, sımpozıýmdar men semınarlar, dóńgelek ústelder jáne taǵy basqa jıyndar ótkizý bolyp tabylady.

Qazaqstan halqy Assambleıasy qurylǵannan beri respýblıkadaǵy ultaralyq qarym-qatynastar ekonomıkalyq jáne saıası reformalar ótkizý barysynda jańalandy. Qoǵamda erkin oılaý men toleranttylyq nyǵaıyp, etnomádenı birlestikter tabysty damý ústinde.

Azamattardyń, ásirese jastardyń arasynda memlekettik tildi úırenýdiń tabıǵı protsesi júrip jatyr. Qazaqstannyń tildik baılyǵy jalpyqazaqstandyq mádenıetti baıytyp, kópultty Qazaqstannyń birligin nyǵaıtatyn faktor bolyp tabylady.

Memlekettiń qoldaýymen 11 tildegi gazet-jýrnaldar tabysty shyǵarylyp keledi, 44 telestýdııa 12 tilde, 18 radıostýdııa 7 tilde habar taratady, Internette usynylǵan kontent sany ósip keledi.

Sonymen qatar, praktıka Qazaqstan halqy Assambleıasy dıasporalardyń tarıhı otanymen baılanysyndaǵy ulttyq dıplomatııa organyna aınalǵanyn kórsetti.

Qazaqstan qoǵamyn biriktirýdegi basty mehanızm - budan ári damý múmkindikterin aıqyn kóretin qýatty ári qarqyndy kósbasshynyń aınalasyna uıymdasý.

Qazaqstan halqy Assambleıasy óz aldyna memlekettiktinyǵaıtý, adam quqyǵy men bostandyǵyn, halyq pen memleket múddesin qorǵaý, jahandyq ekonomıkalyq daǵdarys jaǵdaıynda jańa sapa deńgeıine ótý sııaqty maqsattar qoıady», - deıdi ol.