Іri qara mal etin eksporttaýǵa kvotalar engiziledi

ASTANA. KAZINFORM - 2025 jylǵy 31 jeltoqsannan bastap Qazaqstan Respýblıkasynyń aýmaǵynan úshinshi elderge jáne EAEO elderine iri qara mal etin áketýge arnalǵan kvotalardy bólý qaǵıdalary qoldanysqa engiziledi.

QR Aýyl sharýashylyǵy mınıstrligi bapasóz qyzmetiniń habarlaýynsha, atalǵan norma 2026 jylǵy 30 maýsymǵa deıin qoldanysta bolady.

Іri qara mal etin áketýge arnalǵan kvotanyń jalpy kólemi 20 000 tonnany quraıdy.

Bir tulǵaǵa belgilenetin kvota mólsheri bordaqylaý alańynyń qýatyna baılanysty mynadaı kólemde aıqyndalady:

bordaqylaý alańynyń qýaty 5 000 (bes myń) bastan bastap — 1 000 (bir myń) tonna;

bordaqylaý alańynyń qýaty 10 000 (on myń) bastan bastap — 2 000 (eki myń) tonna;

bordaqylaý alańynyń qýaty 15 000 (on bes myń) bastan bastap — 3 000 (úsh myń) tonna;

bordaqylaý alańynyń qýaty 20 000 (jıyrma myń) bastan bastap — 4 000 (tórt myń) tonna;

bordaqylaý alańynyń qýaty 50 000 (elý myń) bastan bastap — 10 000 (on myń) tonna.

Kvota mal basyn paıdalaný arqyly et óndiretin et óńdeý kásipornynyń iri qara mal etine bólinedi.

Osyǵan deıin syrt memleketterge iri qara mal etin eksporttaýǵa ruqsat kúshine engeni týraly jazdyq.