QazVac vaktsınasynyń kelesi partııasy qashan daıyn bolady

NUR-SULTAN. QazAqparat – Bilim jáne ǵylym mınıstrliginiń bıologııalyq qaýipsizdik problemalary ǵylymı-zertteý ınstıtýty mamyr aıynda QazCOVID-in vaktsınasynyń 50 myń dozasyn jetkizýdi josparlap otyr, dep habarlaıdy QazAqparat tilshisi.

Bul týraly ınstıtýttyń bas dırektory Kúnsulý Zakarııa Nur-Sultanda jýrnalıstermen ótken kezdesýde aıtty.

«Sáýir aıynda biz vaktsınanyń alǵashqy leginde 50 myń doza shyǵardyq. Kelesi mamyr aıynda «SQ-Farmatsııa» qoımalaryna taǵy 50 myń doza jetkiziledi. Maýsymnan qyrkúıekke deıin bizdiń vaktsınany jetkizý kólemi aıyna 500 myńǵa deıin artady. «SQ-Farmatsııamen jasalǵan kelisimshart boıynsha jetkiziletin jalpy kólem – 2 mln doza», - dedi Kúnsulý Zakarııa.