Qazsport Denıs Tenniń qazasyna baılanysty habar taratý kestesin ózgertedi

ASTANA. QazAqparat - Qazsport telearnasynyń basshylyǵy qazaqstandyq mánerlep syrǵanaýshy Denıs Tenniń qazasyna baılanysty habar taratý kestesin ózgertedi, dep habarlaıdy  «SPORTINFORM».

Búgin 23:10-nan túngi 02:00 deıin Denıs Tendi eske alý úshin sportshyǵa qatysty muraǵattaǵy baǵdarlamalar telearna efırinen beriledi. Áýeli onyń iri sporttyq is-sharalardyń aldynda bergen suhbattary kórsetiledi.

23:10 - «Olımpıadalyq qonaq»

23:25 - Qazsport-ta qonaqta

23:45 - Ýnıversıada qonaǵy

Al sosyn kórermen Denıs Tenniń 2017 jylǵy Ýnıversıadada kórsetken ónerin tamashalaı alady. Qysqa jáne erikti baǵdarlamalary usynylady.  

Translıatsııanyń bastalý ýaqyty - 00:10.

Denıs Tendi eske alý baǵdarlamalarynyń kestesi mynadaı:

08:05 - 4 qurlyqtyń týrnıri. Seýl. Erler. Qysqa, erikti baǵdarlama.

12:55 - «Olımpıadalyq qonaq». Stýdııalyq baǵdarlama

17:45 - Qazsport-ta qonaqta.

20:35 - Álem chempıonaty. 2015 jyl. Erler. Qysqa, erikti baǵdarlama.

21:45 - Olımpıada oıyndary-2014. Erler. Qysqa, erikti baǵdarlama.