QazaqGaz jer qoınaýyn paıdalaný boıynsha kezekti eki kelisimge qol qoıdy
ASTANA.KAZINFORM — «QazaqGaz» UK» AQ perspektıvaly ýchaskelerdi ıgerýge strategııalyq seriktesterdi tartý arqyly gazdyń resýrstyq bazasyn ulǵaıtý boıynsha belsendi jumysty jalǵastyrýda.
Memleket basshysynyń geologııalyq barlaý jobalaryn yntalandyrý jáne gaz salasyna ınvestıtsııalar tartý jónindegi tapsyrmasyn iske asyrý sheńberinde QR Energetıka mınıstrligi men «QazaqGaz „UK“ AQ arasynda strategııalyq áriptestermen birlesip kómirsýtekter boıynsha jer qoınaýyn paıdalanýǵa kezekti eki kelisim-shart jasaldy.
QR Energetıka Vıtse-mınıstri Qudaıbergen Arymbek, «QazaqGaz „UK“ AQ Basqarma Tóraǵasynyń geologııalyq barlaý jáne perspektıvalyq jobalar jónindegi orynbasary Ulan Búrkitov jáne „KOR"Munaı Kompanııasy» AQ Bas dırektory Dáýlet Uzaqov Mańǵystaý oblysyndaǵy «Aqqudyq» ýchaskesinde kómirsýtekterdi barlaý jáne óndirý týraly kelisim-shartqa qol qoıdy.
Budan basqa, QR Energetıka Vıtse-mınıstri Qudaıbergen Arymbek, «QazaqGaz „UK“ AQ Basqarma Tóraǵasynyń geologııalyq barlaý jáne perspektıvalyq jobalar jónindegi orynbasary Ulan Búrkitov jáne „QazAzot“ AQ Bas dırektory Arman Máýleshev Aqtóbe oblysyndaǵy „Severnyı-2“ ýchaskesinde kómirsýtekterdi barlaý jáne óndirý týraly kelisim-shartqa qol qoıdy.
Eki kelisim-shart ta kúrdeli jáne az zerttelgen ýchaskelerde geologııalyq barlaýdy júzege asyrý úshin salyqtyq jáne retteýshi yntalandyrýdy kózdeıtin jaqsartylǵan modeldik kelisim-shart sheńberinde jasalǵan.
Buryn iske asyrylǵan jobalar sııaqty, strategııalyq seriktester carry-qarjylandyrý qaǵıdaty boıynsha jumys isteıtin bolady, ıaǵnı barlyq geologııalyq jáne qarjylyq táýekelderdi qosa alǵanda, ınvestor tarapynan geologııalyq barlaý jumystaryn 100% qarjylandyrý júzege asyrylady.
«Soltústik-2» jáne «Aqqudyq» jobalaryn iske asyrý óńirlerdiń ınfraqurylymyn damytýǵa serpin beredi. Jańa jumys oryndaryashylyp, eldiń mıneraldyq-shıkizat sektorynyń turaqty damýyna eleýli úles qosady dep kútilýde.
QazaqGaz otandyq jáne sheteldik seriktestermen barlyq jobalar boıynsha yntymaqtastyqqa ashyq.