«Qazaq. Altyn adam tarıhy» fılmi áýeli kınoteatrlarda kórsetiledi

NUR-SULTAN. QazAqparat – Ýkraınalyq rejısser Igor Lopatenok QR Tuńǵysh Prezıdenti-Elbasy Nursultan Nazarbaev týraly «Qazaq. Altyn adam tarıhy» fılmi teledıdarǵa jol tartpas buryn kınoteatrlarda kórsetiletinin aıtty, dep habarlaıdy QazAqparat.

«Biz fılm aldymen kınoteatrlarda kórsetilip, sodan keıin ǵana teledıdarǵa shyǵady dep úmittenemiz. Bul qalaı bolatynyn kóremiz. Týyndynyń naǵyz baǵasyn kórermen beredi. Jalǵyz ólshem – osy. Men búgin baspasóz máslıhatynda aıttym, synshylardyń aıtqanyn oqymaımyn. Sebebi olar eshqashan ózderi fılm túsirmeıdi. Biz bul sýretti synshylar úshin emes, kórermen úshin jasadyq. Biz úshin tek kórermenniń pikiri mańyzdy», - dedi Igor Lopatenok BAQ ókilderine.

Rejısser týyndynyń neǵurlym aýqymdy aýdıtorııa jınaýyna múddeli ekenin aıtty.

«Biz fılm meılinshe kóp aýdıtorııaǵa jetýi úshin toǵyz aı boıy qoldaý kórsetemiz. Fılm tanymaldyǵynyń sharyqtaý shegi 2022 jyldyń sáýirine keledi dep oılaımyn. Týyndynyń búgingi nusqasy kınoteatrlarǵa arnap jasalǵan. Meniń oıymsha, osyndaı qalyp kóptegen jyldar boıy ózekti bolady», - deıdi avtor.