Qarmet kompanııasyn jańǵyrtý jospary belgili boldy
QR Premer-Mınıstriniń birinshi orynbasary Roman Sklıar jumys saparymen Qaraǵandy oblysyna bardy. Óńir basshysy Ermaǵanbet Bólekpaevpen birge Qarmet-ti jańǵyrtý josparymen tanysty, dep habarlaıdy primeminister.kz.
«Qazaqstan Respýblıkasynyń Prezıdenti Qasym-Jomart Toqaev „Altyn sapa“ jáne „Paryz“ laýreattaryn marapattaý rásiminde sóılegen sózinde Qaraǵandy metallýrgııa kombınatynyń qazaqstandyq kompanııanyń menshigine ótý máselesi sátti aıaqtalǵanyn atap ótti. Sonymen qatar Memleket basshysy kásiporynnyń aldaǵy taǵdyry úshin Qarmet pen Úkimettiń jaýapkershilik dárejesi týraly naqty túsinik berdi. Osy tapsyrmany oryndaý úshin biz búgin damýdyń eń ońtaıly joldaryn birlesip zerttep jatyrmyz», — dep habarlady R. Sklıar.
T. Kúzembaev atyndaǵy shahtada delegatsııaǵa barlyq nysandarǵa engiziletin jerasty pozıtsııalaý jáne radıobaılanys júıesi tanystyryldy.
Júıeniń kómegimen dıspetcher shahta ishindegi personaldyń ornalasqan jerin jáne qozǵalysyn baqylaıdy.
Bul jaǵdaıdy durys baǵalaýǵa jáne qajet bolǵan jaǵdaıda qajetti sharalardy qabyldaýǵa múmkindik beredi.
Sapar barysynda Qarmet basshylyǵy shahtalar men kombınatty tehnıkalyq jaraqtandyrýdaǵy kúrdeli problemalar, sondaı-aq zamanaýı óndiristik tehnologııalardy engizý perspektıvalary týraly baıandady.
Kezdesýdi qorytyndylaı kele, Roman Sklıar QR Úkimeti tarapynan joǵary senim bar ekenin atap ótip, ónerkásiptik qaýipsizdik standarttaryn arttyrý boıynsha barlyq qajetti sharalardy qabyldaýdy tapsyrdy.
