Pýtıntseva Parıjde ótetin Olımpıada oıyndarynda óner kórsetpeıdi
PARIJ. KAZINFORM – ıÝlııa Pýtıntseva jaraqatyna baılanysty Parıj Olımpıadasyna qatyspaıtyn boldy. Bul týraly Qazaqstan tennıs federatsııasynyń baspasóz qyzmeti habarlady.
– Pýtıntseva Parıjge barǵannan keıin aldaǵy kezdesýine daıyndyqqa kirisip ketken. Biraq, ókinishke qaraı, ýkraınalyq Marta Kostıýkqa qarsy birinshi oıyn aldyndaǵy daıyndyq kezinde qazaqstandyq oıynshy tizesiniń qatty aýyrǵanyn sezdi. Qysqa medıtsınalyq tekserýden keıin matchtan bas tartý týraly sheshim qabyldandy, - delingen federatsııa taratqan habarlamada.
Qazaqstan tennıs federatsııasynyń vıtse-prezıdenti Dıas Dosqaraev atalǵan jaǵdaıǵa baılanysty pikir bildirdi.
– Parıj Olımpıadasy biz úshin naǵyz synaq boldy. Kúni keshe Elena Rybakına syrqatyna baılanysty jarystan shyǵyp qalsa, búgin bizdiń komanda jaraqatyna baılanysty ıÝlııa Pýtıntsevadan aıyryldy. Biz eki sportshyǵa kóp úmit artyp edik. Ókinishti, árıne. Elena da, ıÝlııa da Olımpıadada oınaı almaǵandaryna qatty qynjylady. Biz jankúıerlerge ótinish bildirip, osyndaı qıyn kezeńde barlyq oıynshyǵa qoldaý kórsetýlerin suraımyz. Qıyndyqtarǵa qaramastan, elimiz úshin jarqyn jeńisterge umtylatyn bolamyz, - dedi.
