Pýtınmen kezdesý 15 tamyz kúni Alıaskada ótedi – Tramp

ASTANA. KAZINFORM – AQSh prezıdenti Donald Tramp Reseı prezıdenti Vladımır Pýtınmen kezdesetin oryn men ýaqytyn jarııalady. Kezdesý AQSh-ta, Alıaska shtatynda, aldaǵy jumada, ıaǵnı 15 tamyz kúni ótedi, dep habarlaıdy BBC.

- Meniń Reseı prezıdenti Vladımır Pýtınmen kópten kútken kezdesýim aldaǵy jumada, 15 tamyz kúni uly shtat – Alıaskada ótedi. Onyń mán-jaıy týraly áli jazamyn. Nazar aýdarǵandaryńyzǵa rahmet!, - dep jazdy Tramp óziniń áleýmettik jelidegi paraqshasynda.

Osyǵan deıin Tramp kezdesýdiń óte tanymal jerde ótetinin jarııalaǵan bolatyn. BAQ ókilderi, Italııa, Birikken Arab Ámirlikteri, Majarstan, Shveıtsarııa sııaqty jerlerdi atady. Pýtın bolsa, Birikken Arab Ámirlikteri yńǵaıly ekenin aıtty.

Bul AQSh prezıdentiniń Aq úıge oralǵanynan keıingi Tramp pen Pýtınniń alǵashqy jeke kezdesýi bolmaq. AQSh Vladımır Pýtındi tutqynǵa alý týraly order bergen Halyqaralyq sottyń zańyn moıyndamaıdy.

Reseı prezıdentiniń kómekshisi ıÝrıı Ýshakov kezdesý týraly aqparatty rastady.

Reseı men AQSh jaqyn kórshiler, sol sebepti Pýtın men Tramp kezdesýiniń Alıaskada ótýi aqylǵa qonymdy, dedi Ýshakov.

Máskeý Alıaskadan keıingi Pýtın men Tramptyń kezdesýi Reseıde ótedi degen úmitte. AQSh prezıdentine shaqyrtý jiberildi, dep qosty Ýshakov.

Osyǵan deıin BUU Tramp pen Pýtınniń sammıtin ótkizýge daıyn ekenin málimdegen bolatyn.