Pýtın Almatyda ótken Ýnıversıada týraly pikirin aıtty

ASTANA. QazAqparat - Reseı Prezıdenti Vladımır Pýtın Almatydaǵy Ýnıversıada týraly pikirin bildirdi, dep habarlady TASS.

 «Qazaqstan Ýnıversıadany joǵary deńgeıde ótkizý úshin qoldan kelgenniń bárin jasady. Buǵan kelisesizder dep oılaımyn» - dedi Pýtın sportshylarǵa Krasnoıarskide  «Bıatlon akademııasy» kóp qyzmetti sporttyq ortalyǵynda  2017 jylǵy Dúnıejúzilik qysqy Ýnıversıada jeńimpazdarymen  kezdesý barysynda. 

«2019 jyly osynda, Krasnoıarskide qysqy Ýnıversıada úshin biz de barlyq jaǵdaıdy jasaýǵa tyrysamyz. Sonymen birge osy jerde turǵandardyń birazy kelesi Ýnıversıadada taǵy óner kórsetedi dep úmittenemin», - dedi Reseı Prezıdenti.

«Myqty óner kórsetip qaıttyńdar, biz senderdi maqtan tutamyz jáne sportta joǵary jetistikti eńsere beredi degen úmittemiz», - dep atap ótti Pýtın.

«Biz Qazaqstannan kem emes, odan da jaqsyraq ótkizýge tyrysýymyz qajet. Sportshylardyń laıyqty jaǵdaıda óner kórsetýine jaǵdaı jasaý - bizdiń mindetimiz», - dep atap ótti Pýtın.