PTR-testige tegin joldama kimge jáne qalaı beriledi

QARAǴANDY. QazAqparat — PTR synaǵy — koronavırýsqa bıologııalyq suıyqtyqtardy zertteýdiń negizgi ádisi. Ony emhanalardaǵy fıltr-kabınetterde jáne úıde ótýge bolady, dep habarlaıdy QazAqparat tilshisi.

Eger siz sýyqtyń, tumaýdyń nemese pnevmonııanyń belgilerin sezseńiz, onda PTR ádisimen koronavırýsqa test tapsyra alasyz. Muny emhananyń súzgi-kabınetine júginý arqyly jasaýǵa bolady. Sondaı-aq basqalarǵa juqtyrý qaýpin tóndirmeý úshin emhananyń tirkeý bólimine nemese anyqtama bólimine qońyraý shalyp, úıge mobıldi top shaqyrý kerek. Bul jaǵdaıda zertteý tegin medıtsınalyq kómektiń kepildik berilgen kólemi sheńberinde aqysyz júrgiziledi. Óıtkeni bul aınaladaǵylar úshin qaýip tóndiretin ınfektsııalyq aýrý. ıAǵnı saqtandyrylǵan bolý mindetti emes.

Sondaı-aq PTR-testileý koronavırýs anyqtalǵan patsıentpen baılanysta bolǵan adamdarǵa júrgiziledi. Bul jaǵdaıda da súzgi kabınetine júginýge nemese mobıldi topty úıge shaqyrýǵa bolady.

Shetelge shyǵýǵa múmkindik alý úshin PTR-test azamattyń óz esebinen tólenedi. Sondaı-aq eger teris PTR bar sertıfıkat qandaı da bir uıymǵa nemese jumys ornyna barý úshin talap etilse, onda testileý óz qarajaty esebinen nemese jumys berýshilerdiń kelisimi boıynsha tólenedi.

QR Medıtsınalyq saqtandyrý qory PTR-test tegin júrgiziletin jaǵdaılardyń tizimin jarııalady:

⦁ medıtsınalyq kórsetkishter boıynsha fıltr kabınetine júgingen kezde – JRVI jáne vırýstyq pnevmonııa belgileri bolǵan kezde;

⦁ koronavırýs ınfektsııasyna kúdikti naýqas úshin mobıldi topty úıge shaqyrǵan kezde;

⦁ jedel test nátıjesi oń bolǵan jaǵdaıda statsıonarǵa shuǵyl emdeýge jatqyzý kezinde;

⦁ josparly emdeýge jatqyzýǵa nemese aýrýhanaǵa deıingi tekserýge jiberý kezinde;

⦁ júkti áıelderge 37 aptadan bastap bosanýǵa emdeýge jatqyzý úshin;

⦁ gemodıalızdegi patsıentterge.