Psıhıkalyq aýrýlar nege kúz ben kóktemde qozady
Anastasııa Sadovskaıanyń sózinshi, kúzgi jáne kóktemgi asqynýdan basqa qysqy jáne jazǵy asqynýlar bolady. Psıhıkalyq aýytqýlar barlyq maýsymda baıqalady, biraq kóbinese kóktem men kúzde. «Qorshaǵan ortanyń syrtqy ózgeristerine baılanysty birqatar aýrýlar bar. Bul kún sáýlesiniń tómendeýi, qysqy-kóktemgi kezeńde tutynylatyn kókónister men jemister mólsheriniń azaıýy.
Sonymen qatar D3 vıtamıniniń tómendeýine baılanysty bolady. Kúz-kóktem mezgilinde aýa-raıy ózgeredi, qysym tómendeıdi. Bul keıbir psıhıkalyq aýytqýlardyń órshýiniń negizgi sebepteri», - dedi maman.
Psıhoterapevt ózekti máselelerdiń biri – postkovıdti sındromyna toqtaldy. «Koronavırýspen aýyrǵan kóptegen adam zardap shekti. Ol- kúızelis, kóńil-kúıdiń joqtyǵy, alańdaýshylyq. Koronavırýsqa shaldyqqan naýqastar ıppohondrııaǵa ushyrap, aýrýdyń belgilerin keńeıtti. Bul sındrom mazasyzdyq-depressııalyq aýytqý retinde qarastyrylady», - deıdi Anastasııa Sadovskaıa.