Proton zymyrandary 2022 jyldan keıin óndirilmeıdi

BAIQOŃYR. QazAqparat - M. V. Hrýnıchev atyndaǵy Reseı memlekettik ǵarysh ǵylymı-óndiristik ortalyǵy «Proton» zymyrantasyǵyshtaryn óndirýdi 2022 jyly aıaqtaýdy josparlap otyr, dep habarlaıdy QazAqparat tilshisi.

Hrýnıchev ortalyǵy kiretin «Roskosmos» memlekettik korporatsııasynyń aqparaty boıynsha, «Proton-M» aýyr klasty zymyran tasymaldaǵyshtardy ushyrýdyń josparlanǵan baǵdarlamasy aıasynda tórt zymyran jasaý qaldy.

Qazirgi ýaqytta «Proton-M» on tasymaldaǵysh zymyran saqtaýda tur. 2022 jyly sońǵy tórt zymyrandy daıyndaý josparlanyp otyr.

Baıqońyr ǵarysh aılaǵynda «Proton» ǵarysh zymyran keshenin paıdalaný 1965 jyly bastaldy.

Statıstıkaǵa sáıkes, búgingi kúni ártúrli konfıgýratsııalarda 426 «proton» ushyryldy.

Olardyń negizgisi - «Brız-M» údetkish blogy bar «Proton-M» zymyran tasyǵyshy.