Prokýrorlar zeınetkerdi zańsyz tekserýden qorǵap qaldy
«Aǵymdaǵy jyldyń qańtar aıynda zeınetker-kásipker Olga Kotsýbınskaıa Temirtaý qalasynyń Tutynýshylardyń quqyqtaryn qorǵaý basqarmasynyń (TQQB) tekserisine ushyraǵan bolatyn. Satylymǵa shyǵarylatyn ónimniń qaýipsizdigi tekserilip, nátıjesinde zeınetkerge taýarǵa sertıfıkat usyný talaby qoıyla otyryp, taýarlarynyń tehnıkalyq reglamentke saı emestigi jóninde nusqama shyǵaryldy. Osy oraıda onyń oryndalýyna 5 kúndik ýaqyt berildi. Kotsýbınskaıa belgilengen ýaqytta sertıfıkat usynýǵa múmkindigi bolmady, nátıjesinde TQQB usynysy boıynsha aǵymdaǵy jyldyń 2 aqpanyndaǵy Temirtaý qalalyq sotynyń sheshimimen zeınetkerge 158 myń teńge kóleminde aıyppul salynyp, ákimshilik jaýapkershilikke tartyldy»,-dep atap ótilgen Komıtet málimetinde.
Bul jaǵdaı Komıtettiń Qaraǵandy oblysy boıynsha basqarmasymen baqylaýǵa alynyp, zerdeleý barysynda Kotsýbınskaıaǵa qatysty qabyldanǵan sharalar zańnamalyq qaǵıdalarǵa qaıshy ekendigi anyqtaldy.
QR Kásipkerlik Kodeksiniń normalaryna sáıkes, mundaı tekserýler, ıaǵnı baqylaýdyń eskertý-profılaktıkalyq sıpatyna jatqyzylýy qajet (Kodekstiń 137-b. 1-t. 2-t.).
«Kórsetilgen normalar kásipkerlerdiń quqyqtaryn qorǵaý organdarymen esepke alynbaǵan jáne zań talaptaryna qaramastan jospardan tys tekseris taǵaıyndalyp, kásipkerge qatysty jazalaý sharasy qoldanyldy. Aýtoımmýndyq aýrýy bar ári turaqty emdelýge muqtaj zeınetker-kásipkerdiń quqyqtaryn qorǵaý maqsatynda Komıtettiń Qaraǵandy oblysy boıynsha basqarmasymen Temirtaý qalasynyń prokýratýrasyna aqparattyq hat engizildi. Osy oraıda aǵymdaǵy jyldyń 22 aqpanynda aqparattyq hat qaralyp, O.N.Kotsýbınskaıaǵa qatysty isti qaıta qaraý týraly jáne ákimshilik jazany qoldaný týraly qaýlynyń kúshin joıý jóninde Temirtaý qalalyq sotyna ótinish joldandy. Al 27 aqpanda Temirtaý qalalyq sotymen ákimshilik aıyppul salý týraly sheshimniń kúshi joıylyp, O.N.Kotsýbınskaıaǵa qatysty ákimshilik is qysqartyldy»,-dedi vedomstvo mamandary.
Jalpy, mundaı mysaldar az emes, ýákiletti prokýrorlar baqylaýshy memlekettik organdardyń zańsyz áreketteriniń árbir faktilerine jedel jáne áreketti túrde yqpal etetindikterin alǵa tartýda.