Prokopenko: Medıatsııany dáripteý úshin QHA barlyq qoǵamdyq alańdaryn jumyldyrady
«Búgingi tańda medıatsııa ınstıtýtynyń bizdiń qoǵamda jyl sanap mártebesi artyp keledi. Sebebi, onyń ózara kıkiljińi bar taraptarǵa beretin birneshe basymdyǵy bar. Birinshiden, medıatsııa arqyly adamdar kóp ýaqytyn únemdeıdi. Medıatıvti protsedýra birneshe aılarǵa sozylyp ketetin sot protsedýrasynan qaraǵanda adamdardyń bar-joǵy bir-eki saǵatyn alady. Ekinshiden, bul taraptardyń qarajattaryn da edáýir únemdeıtinin aıta ketkim keledi. ıAǵnı, medıatorlyqqa den qoıǵan taraptarǵa advokat jaldaýdyń, qymbat saraptamalardy júrgizýdiń, aptalap qonaq úı jaldap jatýdyń qajeti joq. Úshinshiden, medıatıvtik kelisim taraptardyń dostastyryp, bir-birine degen eshqandaı ókpe-nazdy qaldyrmaıdy. Dál osy artyqshylyq túbegeıli túrde medıatsııany sot sheshimderinen erekshelendirip turady», - deıdi ol.
Leonıd Prokopenkonyń aıtýynsha, sotta jeńgen jáne jeńilgen taraptar bar. Al medıatsııada taraptardyń bári yrza. ıAǵnı, medıatsııa qoǵamnyń shıelenissiz damýynyń kepili bola alady. QHA tóraǵasynyń orynbasary atap ótkendeı, medıatsııa ınstıtýty - qoǵamdyq sananyń jańǵyrýy jolyndaǵy mańyzdy element. Óıtkeni, medıtsııaǵa den qoıǵan adamdar ózderiniń quqyqtyq mádenıetin pash etedi. Bul - qoǵamdaǵy turaqtylyqty qamtamasyz etetinin aıta ketý kerek.
«Medıtsııa salasynda biz soǵan qatysty barlyq ınstıtýtpen kelisimge keldik. Naqtyraq aıtqanda, Joǵarǵy sotpen, Advokattar kollegııasymen, basqa da qurylymdarmen kelisimderge qol qoıylǵan. Birlesken jumystardyń jarqyn kórinisi retinde 3 tamyz kúni Qazaqstan halqy Assambleıasy «Biryńǵaı medıatsııa kúnin» ótkizdi. Oǵan 800 medıatsııa kabıneti (Dostyq úılerindegi, Qoǵamdyq kelisim kabınetterindegi) tartylyp, 3 myńǵa deıingi qoǵamdyq medıatorlarymyz jumyldyryldy. Sol kúni búkil el boıynsha keńes surap, máselesin alǵa tartyp 5 myńǵa tarta adam keldi. 150-ge tarta medıatıvtik kelisimge qol jetkizildi. Meniń oıymsha, bul aıtarlyqtaı tabysty jetiktik», - deıdi Prokopenko.
Onyń aıtýynsha, QHA-nyń endigi basty mıssııasy - medıatsııa ınstıtýtyn nasıhattaý.
«Medıatsııanyń múmkindikteri, maqsaty men paıdasy týraly barlyǵy da bilýi kerek. Mine, sondyqtan QHA óziniń barlyq qoǵamdyq alańdaryn medıatsııa ınstıtýtyn dáripteý baǵytyndaǵy aqparattyq-túsindirmeli jumystarǵa arnaıdy», - dep túıdi Prokopenko.
