Prezıdenttik jastar kadr rezervine irikteý bastaldy

ASTANA. KAZINFORM – Prezıdenttik jastar kadr rezervi – jastar úshin ashyq jáne tıimdi áleýmettik lıft qurýǵabaǵyttalǵan joba.

1 maýsymda Prezıdenttik jastar kadr rezervine kezekti irikteýge qatysý úshinpkrezerv.gov.kz saıtynda qujattardyqabyldaý bastaldy. Qujattar 30 maýsymǵa deıin qabyldanady.

Іrikteýge jasy 35-ten aspaǵan, joǵary bilimi jáne keminde 5 jyl eńbek ótili bar, memlekettik tildi V1 deńgeıinen tómen emes meńgergen Qazaqstan Respýblıkasynyń azamaty qatysa alady.

Іrikteý kelesi baǵyttar boıynsha júrgiziledi:

• Áleýmettik saıasat jáne azamattyq qoǵam;• Infraqurylymdy, ónerkásipti damytý jáne saýda saıasaty;• Ekonomıkalyq jáne qarjylyq saıasat;• Tsıfrlandyrý;• Agroónerkásiptik keshen jáne qorshaǵan ortany qorǵaý;• Syrtqy saıasat jáne ınvestıtsııalar.

Tirkeý kezinde kandıdat Rezervke alynǵan jaǵdaıda eńbek qyzmetin júzege asyrǵysy keletin salalyq baǵytty tańdaýy kerek. Árbir salalyq baǵyt úshin Rezervke alý kvotasy kózdeledi. Bul rette, kandıdattardyń ár baǵyt boıynsha birkelki sanyn ustap turý maqsatynda Rezervke irikteýdiń barlyq kezeńderinde proportsıonaldy irikteý qamtamasyz etiledi.

Іrikteý 6 kezeń boıynsha ótkiziledi:

• Kandıdattardyń qujattaryn qabyldaý;• Mátindik jáne sandyq aqparatpen jumys isteý qabiletin baǵalaý;• Sıtýatsııalyq tapsyrmalardy sheshý;• Quzyretterdi baǵalaý;• Sarapshylyq komıssııada kandıdattarmen áńgimelesý;• Ulttyq komıssııanyń otyrysy.

Іrikteý qorytyndysy boıynsha 50 adam Rezervke qabyldanady. Rezervke alý týraly sheshimdi jarııalaý aǵymdaǵy jyldyń 25 qazanynan keıin josparlanyp otyr. 

Aıta ketelik kadrlyq rezervke alynǵandardyń 80%-y túrli qyzmet atqaryp júrgeni týraly jazǵan edik.