Prezıdenttikke úmitker Sádibek Túgel aqsaqaldardyń batasyn aldy

NUR-SULTAN. QazAqparat - QR Prezıdenttigine úmitker Sádibek Túgel saılaýaldy baǵdarlamasyn tanystyrýdy elordanyń kireberisindegi Qulager eskertkishiniń janynda jınalǵan Nur-Sultan qalasy men Shortandy aýdanynyń qurmetti aqsaqaldarymen kezdesýden bastady. Bul týraly kandıdattyń baspasóz qyzmeti habarlady.

Bıyl «Qulager» poemasynyń avtory Іlııas Jansúgirovtyń týǵanyna 125 jyl tolatyn bolsa, osy eskertkishtiń ıdeıa avtory ári ony ornatqan Sádibek Túgeldiń de aqsaqaldar batasyn alýǵa osynda kelýi jınalǵandardyń kóńilinen shyqty.

«Batamenen er kógerer, jańbyrmenen jer kógerer» demekshi, buǵan deıin de halyqtyń qoldaýyna ıe bolǵan ıgi isterdiń bastaýynda turǵan Sádibek Túgel aqsaqaldarmen kezdesýinde óziniń saılaýaldy baǵdarlamasyndaǵy negizgi mindetterge toqtaldy. Jastardy ulttyq qundylyqtardy ulyqtaý men otansúıgishtikke tárbıeleý, memlekettik tildi damytý jáne halqymyzdyń mádenıeti men salt-dástúrin nasıhattaý turǵysyndaǵy ustanymdaryn jetkizdi.

Eńbek ardagerleri Kamelıash Shoshaı, Shaızanhan Qumarııa jáne Aryqqara Qapı, memleket jáne qoǵam qaıratkeri Qydyrbaı Nurpeıisov, Qazaqstanǵa eńbegi sińgen dáriger Aldabergen Omarbekov jyly lebizderin bildirip, aq batasyn berdi.