Prezıdenttikke úmitker Ámirjan Qosanov úleskerlermen kezdesti

NUR-SULTAN. QazAqparat - Qazaqstan Respýblıkasy Prezıdenttigine úmitker Ámirjan Qosanov halyqpen kezdesýlerin jalǵastyrýda, dep habarlaıdy QazAqparat kandıdattyń baspasóz qyzmetine silteme jasap.

Búgin ol elordanyń problemaly turǵyn úıleriniń úleskerlerimen kezdesti. Taraptar qalyptasqan jaǵdaıdy talqylap, múmkin sheshimderdi usyndy.

Eske sala keteıik, 11 mamyr kúni Qazaqstan boıynsha QR Prezıdenttigine úmitker 7 kandıdat saılaýaldy úgit-nasıhat jumystaryn bastaǵan.

Buǵan deıin kandıdat Danııa Espaevanyń shtab ókilderi atyraýlyq saılaýshylarymen kezdesse, Amangeldi Taspıhovtyń senimdi ókilderi Aqtaýda zaýyt jumysshylarymen jolyqty. Al Jambyl Ahmetbekovtiń shtaby Astana elektrtehnıka zaýytynyń eńbek ujymymen kezdesti.

Kandıdat Ámirjan Qosanovtyń senimdi ókilderi elordadaǵy ortalyq bazarda úgit júrgizse, Sádibek Túgeldiń ókilderi Aqmola oblysynda asyq atý týrnırine qatysyp, kandıdattyń ózi Shýchınsk qalasynda shyǵarmashylyq keshin ótkizdi. Taǵy bir úmitker Tóleýtaı Raqymbekov QazATÝ ujymymen júzdesip, baǵdarlamasyn tanystyrdy.