Prezıdenttikke kandıdattar 3 mln teńge jarna tóleıdi
«Saılaý týraly Konstıtýtsııalyq zańnyń 55-babynyń 1-tarmaǵyna sáıkes prezıdenttikke kandıdattar usyný quqyǵy belgilengen tártippen tirkelgen respýblıkalyq qoǵamdyq birlestikterge tıesili. Usyný týraly sheshim respýblıkalyq qoǵamdyq birlestiktiń joǵary organy múshesiniń jalpy sanynyń kópshilik daýsymen qabyldanady», - dedi Ortalyq saılaý komıssııasy tóraǵasynyń orynbasary Konstantın Petrov.
Sondaı-aq, OSK tóraǵasynyń orynbasary kandıdattardy zań talaptaryna sáıkes keletindigi ótinish bergennen keıin 5 kúnniń ishinde tekseriletinin aıtty.
«Kandıdattardyń Konstıtýtsııa men saılaý týraly Konstıtýtsııalyq zańnyń talaptaryna sáıkestigin anyqtaýdy Ortalyq saılaý komıssııasy respýblıkalyq qoǵamdyq birlestiktiń joǵary organy otyrysynyń kandıdatty usyný týraly hattamany, daýysqa túsýge kelisimi týraly ótinishi jáne kandıdattyń saılaý jarnasyn tólegenin rastaıtyn túbirtekti ótkizgennen keıin 5 kún ishinde júzege asyrady. Jarna mólsheri - 3 mln teńge», - deıdi ol.
Buǵan deıin habarlaǵanymyzdaı Prezıdent saılaýyna kandıdattardy usyný 23 qyrkúıekte bastalady.
