Prezıdent Joldaýy birneshe tilge aýdarylady

ASTANA. QazAqparat - QR Syrtqy ister mınıstrligi Memleket basshysy Nursultan Nazarbaevtyń sońǵy Joldaýyn shet tilderge aýdarýǵa kiristi, dep xabarlaıdy QazAqparat tilshisi.

Mınıstrliktiń baspasóz xatshysy Aıbek Smadııarovtyń aıtýynsha, búginde xalyqaralyq qoǵamdastyq tarapynan QR Prezıdentiniń Joldaýyna qatysty oń pikirler jıi aıtylady. Sonyń bári sheteldik buqaralyq aqparat quraldarynda kórinis tapty.

«Qazirgi kezde Prezıdenttiń Joldaýy arab jáne aǵylshyn tilderine aýdarylǵan. Sonymen qatar, álemniń basqa da tilderine aýdarylyp jatyr. Joldaýdyń mátini sheteldik saıası-iskerlik jáne saraptamalyq toptar arasynda taratylady. Jalpy, syrtqy ister mınıstrligi aldynda pragmatızm negizinde xalyqaralyq arenada Qazaqstannyń syrtqy saıasatyn beıimdeý jáne ulttyq múdelerimizdi ilgeriletý boıynsha naqty mindetter tur. Joldaýdy iske asyrý úshin mınıstrlik elimizdiń salalyq vedomstvolarymen jáne óńirlerimen tyǵyz yntymaqtastyq ornatyp, olarǵa qajetti qoldaýdy kórsetýge daıyn», - dedi A.Smadııarov Astanada ótken baspasóz máslıxatynda. 

Aıta keteıik, ótken aptada QR Prezıdenti Nursultan Nazarbaev xalyqqa arnaǵan kezekti Joldaýyn jarııalady. QazAqparat agenttigi atalǵan qujattyn tolyq mátinin taratqan bolatyn.