Prezıdent Qyzylordadaǵy jańa jylý elektr ortalyǵyna bardy

QYZYLORDA. KAZINFORM – Prezıdent Qasym-Jomart Toqaev Qyzylordaǵa sapary barysynda jańa jylý elektr ortalyǵyna bardy, dep jazdy Aqorda.

Jańa jylý elektr stansasy Memleket basshysynyń ońtústik óńirlerde halyq pen ekonomıka suranysyn qamtamasyz etý jónindegi tapsyrmasyn oryndaý maqsatynda salyndy.

Ortalyq 240 megavatt elektr qýatyn jáne 277 gıgakalorııa jylý energııasyn óndiredi.

Jobanyń jalpy quny – 215 mıllıard teńge. Jylý elektr stansasy túrkııalyq Aksa Energy kompanııasynyń ınvestıtsııasy esebinen boı kóterdi.

Qazirgi kezde negizgi agregattar, atap aıtqanda, árqaısysynyń qýaty 176 megavatt bolatyn eki gaz týrbınasy, qýaty 95 megavatt bý týrbınasy, ónimdiligi saǵatyna 120 tonnaǵa jetetin eki bý qazandyǵy, qýattylyǵy saǵatyna 150 gıgakalorııany quraıtyn tórt sý qyzdyrý qazandyǵy ornatylyp, tolyq montajdalǵan.

Aıta keteıik, buǵan deıin Prezıdent «Qyzylorda-nan» tsehyna bardy.