Prezıdent Vladımır Pýtınmen telefon arqyly sóılesti
ASTANA. KAZINFORM — Memleket basshysy Qasym-Jomart Toqaev Reseı Prezıdenti Vladımır Pýtınmen telefon arqyly sóılesti. Bul týraly Aqorda málim etti.
— Áńgimelesý barysynda Qazaqstan Prezıdentiniń Reseı Federatsııasyna josparlanǵan memlekettik saparyna daıyndyq máselesi talqylandy. Memleketter basshylary Máskeýde ótetin kelissózder eki eldiń strategııalyq seriktestik jáne odaqtastyq qatynastaryn odan ári damytý turǵysynan aıryqsha mańyzdy ekenine nazar aýdardy. Sonymen qatar álemdegi qazirgi ahýaldyń keıbir aspektileri qarastyryldy, — delingen habarlamada.
Eske sala keteıik, buǵan deıin Qasym-Jomart Toqaev Dýshanbede Vladımır Pýtınmen kezdesken bolatyn.
RF Prezıdentiniń baspasóz hatshysy Dmıtrıı Peskov qarasha aıyna josparlanǵan Qazaqstan Respýblıkasy Prezıdentiniń Reseı Federatsııasyna birinshi memlekettik saparyna daıyndyq qyzý júrip jatqanyn aıtqan edi.