Prezıdent stýdentterdi jataqhanamen qamtý máselesin sheshýge kómek kórsetýdi usyndy

ALMATY. QazAqparat - Almaty máslıhatynyń depýtaty Ásııa Aqanova densaýlyq saqtaý jáne bilim berý máseleleri el úshin mańyzdy bolyp qala beretinin aıtty, dep habarlaıdy QazAqparat tilshisi.

Spıker máslıhat depýtattary men qoǵam ókilderi birlese jaqynda Almatydaǵy stýdenttik jataqhanalar men joǵary oqý oryndarynyń jańa oqý jylyna daıyndyǵyn teksergenderin aıtty.

«Búgin Memleket basshysy stýdentterdi jataqhanamen qamtý máselesi ózekti bolyp otyrǵanyn aıtyp, memleket pen bilim berý uıymdary arasynda belsendi kómek kórsetýdi usyndy. Mysaly, memlekettik-jeke seriktestik qaǵıdatyn engizý jáne t.b. Rasymen, búginde jataqhanalardyń jetispeýshiligi - ózekti másele. Ásirese, keıbir joǵary oqý oryndarynda jataqhananyń ortasha quny 7,5-10 myń teńge bolǵanyn eskersek, bul jaǵdaıdy júıeli túrde qarastyrýdy talap etedi. Munda jaýapkershilik joǵary oqý oryndarynyń ózderine de júkteledi, olar daıyndyqtaryn kórsetýi tıis», - dedi spıker.

Ol sondaı-aq búgingi kúni Almatyǵa stýdentterdiń úlken aǵyny kele jatqanyna toqtaldy.

«Búgin Qasym-Jomart Kemeluly JOO-lardyń ınfraqurylymy stýdentter aǵynyna daıyn bolýy kerektigin aıtty. Osy oraıda, Almatyǵa qazir stýdentterdiń úlken aǵyny kele jatyr. Alaıda, JOO ákimshilikteri qansha stýdentti turmystyq jaǵdaımen qamtamasyz ete alatyndyǵyn oılanýdyń ornyna, stýdentter sanynyń kóp bolǵanyn qalaıdy. Sondyqtan bizde balalardy dál oqýǵa qabyldaý kezinde oń saıasatty qaıta qarastyrý kerek bolady», - dep atap ótti depýtat.

Foto: gadgetshelp.com