Prezıdent Sı Tszınpındi Astana áýejaıynan qarsy aldy
ASTANA. KAZINFORM — Prezıdent Qasym-Jomart Toqaev Qytaı Halyq Respýblıkasynyń Tóraǵasy Sı Tszınpındi Astana áýejaıynan qarsy aldy. Bul týraly Aqorda málim etti.
— Trapta Qurmet qaraýylynyń rotasy sap túzedi. Mártebeli meımanǵa Qazaqstan men Qytaı týlaryn ustaǵan jetkinshekter qoshemet kórsetti, — delingen habarlamada.
Elorda áýejaıynyń termınalynda Tóraǵa Sı Tszınpınge balalar qazaq jáne qytaı tilderinde sálemdesip, kútip aldy Sodan soń ónerpazdar qos halyqtyń ulttyq bılerin bılep, erekshe iltıpat bildirdi.
Aıta keteıik, Qytaı kóshbasshysy mingen bortty el shekarasynan elordaǵa deıin Qazaqstan Respýblıkasy Áýe qorǵanys kúshteriniń ushaqtary alyp júrdi.
Elordada «Ortalyq Azııa – Qytaı» ekinshi ındýstrııalyq-ınvestıtsııalyq yntymaqtastyq forýmy ótip jatyr.
