Prezıdent saılaýynda barlyq kandıdatqa qarsy daýys berýge bolady

ASTANA. QazAqparat – 20 qarashada bolatyn QR Prezıdenti saılaýy bıýlletenderinde «Barlyǵyna qarsymyn» grafasy bolady. ıAǵnı saılaýshylar barlyq kandıdatqa qarsy daýys bere alady, dep habarlaıdy QazAqparat tilshisi.

«Barlyǵyna qarsymyn» grafasy zańmen qarastyrylǵan. Bıýlletende ol grafa bolady. Eger azamat birde-bir kandıdatty tańdamasa, ol barlyǵyna qarsy daýys berýge quqyly», - dedi Ortalyq saılaý komıssııasy tóraǵasynyń Konstantın Petrov baspasóz máslıhatynda.

Buǵan deıin Prezıdent saılaýyna kandıdattardy usyný 23 qyrkúıekte bastalatyny týraly habarlaǵan edik.

«Qazaqstan Respýblıkasynyń Prezıdenti laýazymyna kandıdattardy usyný saılaý taǵaıyndalǵan kúnniń kelesi kúninde bastalady. ıAǵnı 2022 jylǵy 23 qyrkúıekte bastalyp, 11 qazan kúni saǵat 18:00-de aıaqtalady», - degen edi Konstantın Petrov.

Aıta keteıik, erteńnen bastap Prezıdent saılaýyna kandıdattardy usyný bastalady.

Sondaı-aq, Prezıdenttikke kandıdattar qazynaǵa 3 mln teńge jarna tóleıtindigi aıtyldy.

Al kandıdattar úgit-nasıhat júrgizýdi 21 qazanda bastaıdy.

Odan bólek, Ortalyq saılaý komıssııasynda Abaı, Jetisý jáne Ulytaý oblysynda saılaý ýchaskeleriniń qurylatyny aıtyldy.