Prezıdent saılaýy: úshinshi Exit poll nátıjesi jarııalandy

ASTANA. QazAqparat – Kezekten tys ótken QR Prezıdenti saılaýynyń úshinshi Exit poll nátıjesi belgili boldy, dep habarlaıdy QazAqparat tilshisi.

«31» telearnanyń tapsyrysymen «SOTsIS-A» Keshendi áleýmettik zertteýler ınstıtýty – Astana» JQ saılaýda Exit poll júrgizdi.

Sonymen nátıje mynadaı:

Qaraqat Ábden – 2,84%;

Nurlan Áýesbaev – 2,38%;

Jıgýlı Daırabaev – 3,68%;

Meıram Qajyken - 2,62%;

Qasym-Jomart Toqaev – 82,02%;

Saltanat Tursynbekova – 2,24 %;

Bárine qarsymyn – 4,22%.

«Qazaqstan prezıdentin saılaý nátıjesiniń monıtorıngi exit-poll ádistemesi boıynsha júzege asyryldy. Barlyq aımaq boıynsha 379 saılaý ýchaskesinde 482 myń daýys berýshiden pikir alyndy», - dedi Álibek Túımebaev onlaın-telemarafon barysynda.

Buǵan deıin «Ashyq qoǵam» óńirlik zertteý ınstıtýty júrgizgen Exit poll nátıjesi belgili boldy.

Eske sala ketsek, Ortalyq saılaý komıssııasy habardar etkendeı, saılaýǵa qatysty birneshe uıym qoǵamdyq saýalnama júrgizý quqyǵyna ıe boldy.

Aıta ketsek, Astana ýaqytymen saǵat 20.00-de elimizdiń 15 óńirinde, al 21.00-de Atyraý, Aqtóbe, Batys Qazaqstan, Qyzylorda jáne Mańǵystaý oblystarynda daýys berý aıaqtaldy.

Sondaı-aq, saılaýda elimizdegi búkil daýys berýshilerdiń 69 paıyzy tańdaýyn jasady.