Prezıdent saılaýy: Úgit-nasıhat júrgizý qashan bastalady

ASTANA. QazAqparat – QR Prezıdenttigine kandıdattar saılaýǵa deıingi úgit-nasıhat jumysyn 21 qazanda bastaıdy. Atalǵan shara 28 kúnge sozylady, dep habarlaıdy QazAqparat tilshisi.

«QR Prezıdenti saılaýyna qatysýǵa kandıdattardy usyný erteń bastalyp, 11 qazanǵa deıin jalǵasady (19 kún). Sonymen qatar 23 qyrkúıek pen 21 qazan aralyǵynda kandıdattyń Konstıtýtsııa jáne Konstıtýtsııalyq zań talaptaryna sáıkestigin anyqtaý sharasy uıymdastyrylady. Saılaý aldyndaǵy úgit-nasıhat júrgizý jumysy 21 qazan men 18 qarasha aralyǵynda ótedi. ıAǵnı 28 kúnge sozylady. Úgit júrgizý 18 qarasha kúni saǵat 18:00-de toqtatylady», - dedi Ortalyq saılaý komıssııasy tóraǵasynyń orynbasary Konstantın Petrov.

Onyń aıtýynsha, 19 qarasha — saılaý aldyndaǵy tynyshtyq kúni.

«20 qarasha daýys berý kúni, ıaǵnı saılaý. 21 qarashadan 27 qarashaǵa deıin saılaýdyń aldyn ala qorytyndysyn shyǵarý júrgiziledi. 27 qarasha nátıjelerdi belgileý jáne saılanǵan prezıdentti tirkeý iske asady», - deıdi ol.

Aıta keteıik, erteńnen bastap Prezıdent saılaýyna kandıdattardy usyný bastalady.

Sondaı-aq, Prezıdenttikke úmitkerler 3 mln teńge jarna tóleıtini belgili boldy.