Prezıdent saılaýy nelikten kúzge belgilendi – Erlan Qoshanovtyń jaýaby
«Biz bul saılaýdy saıası reformalardyń zańdy jalǵasy dep esepteýimiz kerek. Saıası reformalardy qabyldaǵannan keıin, bizdiń ınstıtýttar da jańarýy kerek. Ony qoǵam da talap etip otyr. Ózińiz biletindeı, áleýmettik jelilerde jýrnalıster men qoǵam tarapynan «Májilis saılaýy qashan bolady?», «Prezıdent saılaýy bola ma?» degen suraqtar kóbeıdi. Bul – zańdy suraqtar. Sondyqtan Prezıdent barlyq elektoraldy kesteni, alda bolatyn saılaý naýqandarynyń kestesin aldyn-ala jarııalady. ıAǵnı, bıyl Prezıdent saılaýy, kelesi jyldyń birinshi jartysynda Májilis saılaýy bolady, odan keıin Úkimet te jańarady. Jańarady nemese qaıta jasaqtalady. Bul – saıası ashyqtyqtyń, mádenıettiń úlgisi. Prezıdent saılaýynyń bıyl kúzde ótýi – sol bılik ınstıtýttarynyń jańarýynyń basy dep aıtar edim. Halyq qabyldaǵan saıası reformalardyń arqasynda, sonyń ishinde Prezıdenttiń, Parlamenttiń quzyretine, Úkimet pen saıası partııalarǵa qatysty máselelerdiń barlyǵy qamtylǵan. Endi barlyǵy jańa jaǵdaıda jumys isteıdi. Osylardyń barlyǵy jańǵyryp jatqan kezde Prezıdent ony ózinen bastaý týraly sheshim qabyldady», - dedi Erlan Qoshanov.
Sonymen qatar, suhbat barysynda Parlament Májilisiniń spıkeri Prezıdentti 7 jyl merzimge bir ret saılaý týraly ózgeriske qatysty da pikir bildirdi.
«Prezıdent 7 jyldyq merzimge bir márte ǵana saılanady degen - ol Konstıtýtsııanyń 91-babyna endi. Bul ózgermeıdi. Bizdiń Táýelsizdigimiz jáne bizdiń respýblıkamyzdyń birtutastyǵymen qatar osy norma da endi oǵan. Ol bolashaqta ózgermeıdi», - dep túıindedi QR Parlamenti Májilisiniń spıkeri.
Vıdeodan alynǵan kadr
