Prezıdent saıasattyń negizgi baǵytyn atady
«Búgingi ýaqyt óte jyldam. Qatardan qalmaý úshin bizge erekshe bir jyldamdyqpen júrý kerek. Árıne, eń bastysy, ol - texnıka, texnologııa jáne ǵylym. Sebebi atalǵan salalar eldiń damýyna serpin beredi. Al ishki alaýyzdyq, soǵystar men kóshi-qon kedergi jasaıdy. Tynyshtyq pen turaqtylyq bolsa ǵana ǵylym da, jastar da damıdy», - dedi N.Nazarbaev saltanatty sharada.
Prezıdenttiń aıtýynsha, álemde qazaqtardy jaqsy biledi. Qazaqstan xalqyna senedi. Sebebi xalqymyz kóptegen ulttardy bir shańyraqtyń astyna jınaı bildi.
«Birge ómir súrýge úırendik. Ózimizdi syılaımyz, janymyzda turǵan kórshini de syılaýdy bilemiz. Mine, dál osy másele - barlyq saıasatymyzdyń ózegi. Biz patrıotpyz, biraq basqa adamdardy, basqa memleketterdi de syılaımyz. Osylaısha, men jastardy tárbıeleımin. Sóıtip, alǵa jyljyp kelemiz», - dep atap kórsetti Elbasy. 
Aıta keteıik, shara barysynda Memleket basshysy tabysqa jetýdiń jolyn aıtty. Sondaı-aq qolǵa alǵan istiń xas sheberi bolýdyń mańyzdylyǵyn jetkizdi.
Foto: akorda.kz
