Prezıdent Saýd Arabııasy Koroline quttyqtaý jedelhatyn joldady
Memleket basshysy Saýd Arabııasynyń Koroline quttyqtaý jedelhatyn joldady, dep habarlaıdy QazAqparat Aqordanyń resmı saıtyna silteme jasap.
Prezıdent Qasym-Jomart Toqaev Qazaqstan halqynyń jáne jeke óz atynan Qos kıeniń saqshysy, Korol Salman ben Ábdelazız Ál Saýdty Saýd Arabııasynyń Ulttyq kúnimen quttyqtady.
– Búginde elińiz – saıası turǵyda irgesi berik, ekonomıkasy turaqty, Taıaý Shyǵystaǵy úlgi tutar memleket, sondaı-aq halyqaralyq qaýymdastyqtyń bedeldi múshesi. Aldaǵy ýaqytta Sizdiń basshylyǵyńyzben Koroldiktiń damýy baıandy, mereıi árqashan ústem bolýyna tilektespin, – dep jazylǵan jedelhatta.
Memleket basshysy Saýd Arabııasy Qazaqstannyń Shyǵanaqtaǵy senimdi seriktesi ekenin atap ótip, eki el arasyndaǵy dástúrli dostyq pen joǵary deńgeıdegi saıası dıalogqa negizdelgen qarym-qatynastar odan ári nyǵaıa beretinine senim bildirdi.
