Prezıdent respýblıkalyq referendým ótkizý týraly Jarlyqqa qol qoıdy

ASTANA. KAZINFORM – Memleket basshysy Qasym-Jomart Toqaev «2024 jylǵy 6 qazanda respýblıkalyq referendým ótkizý týraly» Jarlyqqa qol qoıdy. Bul týraly Aqordanyń resmı saıty málimdedi.

«Qazaqstan Respýblıkasy Konstıtýtsııasynyń 44-babynyń 10) tarmaqshasyna jáne „Respýblıkalyq referendým týraly“ Qazaqstan Respýblıkasy Konstıtýtsııalyq zańynyń 18-babyna sáıkes Qaýly etemin:

1. 2024 jylǵy 6 qazanda respýblıkalyq referendým ótkizilsin.

2. Respýblıkalyq referendýmǵa: «Siz Qazaqstanda atom elektr stantsııasyn salýǵa kelisesiz be?» degen saýal shyǵarylsyn.

3. Osy Jarlyq 2024 jylǵy 3 qyrkúıekte buqaralyq aqparat quraldarynda resmı túrde jarııalansyn.

4. Respýblıkalyq referendýmdy uıymdastyrý men ótkizý Referendýmnyń ortalyq komıssııasynyń qyzmetin atqaratyn Qazaqstan Respýblıkasynyń Ortalyq saılaý komıssııasyna, sondaı-aq referendýmnyń aýmaqtyq jáne ýchaskelik komıssııalarynyń qyzmetin atqaratyn aýmaqtyq jáne ýchaskelik saılaý komıssııalaryna júktelsin.

5. Qazaqstan Respýblıkasynyń Úkimeti Qazaqstan Respýblıkasynyń Ortalyq saılaý komıssııasymen, Qazaqstan Respýblıkasynyń basqa da ortalyq memlekettik organdarymen jáne jergilikti atqarýshy organdarymen birlesip respýblıkalyq referendýmdy uıymdastyrý men ótkizý boıynsha qajetti sharalardy qabyldasyn.

6. Osy Jarlyq qol qoıylǵan kúninen bastap kúshine enedi», — dep jazylǵan Jarlyqta.