Prezıdent memlekettik basqarýda ozyq japon tájirıbesin usyndy
ASTANA. KAZINFORM — Memleket basshysy Qasym-Jomart Toqaev ozyq sheshimderdi memlekettik basqarý salasyna engizýde Japonııa tájirıbesine nazar aýdarýǵa shaqyrdy, dep habarlaıdy Aqordanyń baspasóz qyzmeti.
Onyń sózinshe, jasandy ıntellekt jáne tsıfrlyq tehnologııany damytýǵa basa mán berý kerek.
— Meniń ótken aptada Japonııaǵa resmı saparmen barǵanymdy bilesizder. Sapar kezinde Tokıo gýbernatorymen kezdestim. Túrli salada yntymaqtastyq ornatýǵa kelistik, tsıfrlyq tehnologııalarǵa erekshe nazar aýdardyq. Tokıodaǵy Smart City jobasymen tanystyq. Japonııa ozyq sheshimderdi memlekettik basqarý salasyna engizý turǵysynan zor tabysqa jetip otyr. Biz osy baǵytta tájirıbe almasatyn boldyq, — dedi Toqaev.
Eske salsaq, 17 jeltoqsanda Qasym-Jomart Toqaev Japonııaǵa resmı saparmen bardy.
Memleket basshysy Japonııa Imperatory Narýhıtomen kezdesti.
Sonymen qatar Qasym-Jomart Toqaev Meıdjı Djıngý ǵıbadathanasyn aralap kórdi.
Budan bólek Prezıdent Japonııa Parlamentiniń Qazaqstanmen dostyq lıgasy múshelerimen kezdesý ótkizdi.