Prezıdent kýbogy: Elordalyq «Barys» komandasy «Amýrdan» basym tústi
ASTANA. KAZINFORM - Elordalyq «Barys» shaıbaly hokkeıden QR Prezıdenti kýbogynda Reseıdiń «Amýr» (Habarovsk) komandasynan basym tústi.
Kóptegen hokkeıshi Qazaqstan olımpıadalyq quramasyna shaqyrtý alǵan. Sondyqtan elordalyq komanda sapynda klýb júıesindegi jas oıynshylar óziniń sheberligin kórsetýge múmkindik alyp otyr.
Soǵan qaramastan elordalyq klýb qarsylasynan basym túsýge múmkindik aldy. Esepti alǵashqy bolyp reseılik klýb ashyp ketti. Oǵan elordalyq klýb sapynan Damır Jafıarov men Ýıll Býtcher eki golmen jaýap qaıyrdy.
Osylaısha qazaqstandyq komanda qarsylasynan 2:1 esebimen basym tústi.
Endi «Barys» 15 tamyzda Qazaqstan olımpıadalyq quramasymen kezdesedi.
Sondaı-aq bul kúni «Amýr» men «Lada» sheberlik baıqasady.
Al 17 tamyzda Qazaqstan quramasy men «Amýr». «Barys» - «Lada» oınasa. 18 tamyzda 3-oryn úshin oıyn men fınal ótedi.
Elordalyq klýb budan keıin 20-25 tamyz aralyǵynda Reseıdiń Omby qalasynda ótetin «Blınov Kýbogy» maýsymaldy týrnırinde baq synaıdy. Olar Reseıdiń «Lokomotıv» (ıAroslavl), «Sıbır» (Novosibir), «Traktor» (Chelıabi) jáne «Avangard» (Omby) ujymdaryna qarsy oınaıdy.
Eske salsaq, budan buryn Qazaqstan olımpıadalyq quramasy Reseıdiń «Lada» (Tolıattı) komandasyna ese jiberdi.
