Prezıdent QR memlekettik basqarý júıesin jetildirý sharalary týraly Jarlyqqa qol qoıdy

NUR-SULTAN. QazAqparat - Memleket basshysy Qasym-Jomart Toqaev Qazaqstan Respýblıkasynyń memlekettik basqarý júıesin odan ári jetildirý jónindegi sharalar týraly Jarlyqqa qol qoıdy. Bul týraly Aqordanyń baspasóz qyzmeti habarlady.

***

Qazaqstan Respýblıkasynyń memlekettik basqarý júıesin odan ári jetildirý jónindegi sharalar týraly

Qazaqstan Respýblıkasy Konstıtýtsııasynyń 44-babynyń

3) tarmaqshasyna sáıkes memlekettik basqarý júıesin jańǵyrtý jáne tıimdiligin arttyrý maqsatynda QAÝLY ETEMІN:

1. Qazaqstan Respýblıkasynyń Saýda jáne ıntegratsııa mınıstrligi, oǵan Qazaqstan Respýblıkasynyń Indýstrııa jáne ınfraqurylymdyq damý mınıstrliginiń shıkizattyq emes eksportty damytý jáne ilgeriletý salasyndaǵy fýnktsııalary men ókilettikteri berile otyryp, qaıta uıymdastyrylsyn.

2. Qazaqstan Respýblıkasynyń Úkimeti:

1) Qazaqstan Respýblıkasy Prezıdentiniń Ákimshiligimen kelisim boıynsha qaıta uıymdastyrylatyn memlekettik organdar men olarǵa vedomstvolyq baǵynystaǵy uıymdar arasynda shtat sanyn qaıta bólýdi;

2) osy Jarlyqty iske asyrý boıynsha ózge de sharalar qabyldaýdy qamtamasyz etsin.

3. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Əkimshiligine júktelsin.

4. Osy Jarlyq qol qoıylǵan kúninen bastap qoldanysqa engiziledi.

Qazaqstan Respýblıkasynyń

Prezıdenti Q. Toqaev

Nur-Sultan, Aqorda, 2019 jylǵy 1 shilde

№ 46